पेशागत रुपमा नर्सिंगमा तर तन मन पुरै साहित्यिक रहेकी गीतकार सुनिता बस्नेत थापाले आफ्नो एल्बम सुरवी एल्बममा समावेश अत्यन्त मार्मिक गीत ‘सम्झेर नरुनु प्रिय’ युट्युभमा सार्वजनिक गरेकी छिन् । शिव परियारले अति मिठो मार्मिक स्वरमा गाएको यो गीत सुन्दा मन चस्क्क हुन्छ। प्रेम पिडामा लेखिएको र गायकी र संगीत पनि त्यहि अनुसार भएका गीत राम्रो बनेको छ ।
सुनिल मास्केको संगीत र प्रदिप श्रेष्ठको संगीत संयोजन रहेको छ गीतमा । प्रवासमा रहेर यस्तो ओजनदार सृर्जना ल्याउन सक्नु सानो कुरा होईन । आफ्नो कामकाजी जिवनको व्यस्तता बिच पनि यसरी गीतिकारिता गर्नु सुनिताको सिर्जनशिल मनकै उपज रहेको छ ।
