नवौं राष्ट्रिय खेलकुदअन्तर्गत फेन्सिङ खेल शुक्रबार सम्पन्न भएको छ । अन्तिम खेलमा पुरुष टिम इभेन्ट ९इपी०मा विभागीय टिम त्रिभुवन आर्मी क्लबले स्वर्ण पदक जितेको छ । पोखरास्थित ब्याडमिन्टन हलमा सम्पन्न फाइनलमा विभागीय प्रतिद्वन्द्वी एपिएफ क्लबलाई ४५–२८ ले पराजित गरेसँगै आर्मी फेनसिङमा पाँच स्वर्णसहित टिम च्याम्पियन बनेको छ ।
फेनसिङका कुल १२ स्वर्ण पदकमध्ये आर्मीले पाँच, बागमतीले चार, एपिएफले दुई तथा सुदूरपश्चिम प्रदेशले एक स्वर्ण पदक जितेका छन् ।सोमबार भएको पुरुष सिनियर फोएल तर्फको स्वर्ण पदक सुदूरपश्चिम प्रदेशका जलिन्द्र शाहीले जितेका थिए । सोही स्पर्धाको रजत बागमतीका सन्जीव लामा र कास्य एपिएफका ऐरी शेरसिंह र आर्मीका वीर शाहीले जितेका थिए ।
सोमबारनै सम्पन्न सिनियर महिला इपीतर्फ आर्मीकी इन्दीरा पौडेलले स्वर्ण जितेकी थिइन् । आर्मीकै सिता पाठकले रजत र पुजन कुमालले कास्य जिते । एपीएफकी जानुका स्याङतानले अर्को कास्य जिनित् । उक्त दिन भएको अन्तिम स्पर्धा सिनियर महिला साबेरको स्वर्ण बाग्मती प्रदेशकी शिक्षा नापितले जितिन् । एपीएफकी उर्मीला लामाले रजत जित्दा आर्मीका रविना थापा र मनिषा श्रेष्ठले कास्य पदक हात पारे ।
मंगलबार भएको सिनियर महिला फोएलमा आर्मीकी रमा सिंहले स्वर्ण जित्दा एपीएफकी मनिसा राईले रजत र एपीएफकै मन्दिरा थापा र अनिता अधिकारीले कास्य जिते । मंगलबारनै सम्पन्न सिनियर पुरुष इपीमा बाग्मतीका ओमकार सिंहले स्वर्ण, आर्मीका राम थापा र मिन कार्कीले क्रमश: रजत र कास्य जिते । यस्तै, गण्डकीका विजय अधिकारीले आर्को कास्य जिते । सोहि दिन भएको सिनियर पुरुष साबेरमा एपीएफका राजेन्द्र गजुरेलले स्वर्ण जिते । आर्मीका उपेज्द्र शाहीले रजत र आर्मीकै रघु चन्दले कास्य जिते । अर्को कास्य एपीएफका खेमराज खत्रिले हात पारे ।
बुधबार सम्पन्न सिनियर पुरुष टिम फोएलमा बाग्मती प्रदेशले स्वर्ण, आर्मीले रजत सुदुर पश्चिम र प्रदेश १ले कास्य जिते । बुधबारनै भएको सिनियर टिम महिला इपीमा आर्मीले स्वर्ण,एपीएफले रजत, सदुरपश्चिम र प्रदेश १ले कास्य जिते । महिला तर्फको सिनयिर महिला टिम साबेरमा बाग्मतीले स्वर्ण, आर्मीले रजत, प्रदेश १ र एपीएफले कास्य जिते । बिहिबार भएको सिनियर महिला फोएलमा एपीएफले स्वर्ण जितेको थियो । बाग्मतीले रजत जित्दा आर्मी र गण्डकीले कास्य जिते । सिनियर पुरुष साबेरमा आर्मीले स्वर्ण, बाग्मतीले रजत, एपीएफ र गण्डकीले कास्य जिते । सनिबार सम्पन्न सिनियर टिम पुरुष इपीमा आर्मीले स्वर्ण, एपीएफले रजत, बाग्मती र गण्डकीले कास्य हात पारे ।
