सुगम संगीतका सुरिला गायक सन्तोष रुचालको नयॅा गीत “ तिमी आउॅदै नआउने बाटोमा पनि “ सार्वजनिक भएको छ । मिठो र चोटिलो कथामा निकै मार्मिक भिडियो पनि सार्वजनिक भएको छ यहि गीतको । जिपी चिरण , सुषमा घिमिरे ,प्रकास घिमिरे , स्वस्तिका रानाभाट , स्माईल मियाको राम्रो अभिनय रहेको यो गीतलाई दिपकअधिकारीले खिचेका छन् ।
अमृत चापागाईले संपादन र दिपक अधिकारीले निर्देशन गरेका छन् । गायक सन्तोषले यसपटक प्रसिद्ध साहित्यकार सरु भक्तको शब्द र हरिहर खनियाको संगीतमा निकै मिठो र चोटिलो गीत श्रोता समक्ष ल्याएका छन् । शब्द संगीत र गायकीले निकै निकै सुमधुर बनेको छ ।
विगत २ दशकदेखि नेपाली गायनमा संक्रिय सन्तोषको गायनकला राम्रो छ भन्ने कुरा यो गीतले पुन पुष्टि गरेको छ । नेपाली गीतसंगीतको भण्डार मा उनको केहि एल्बमहरु र ५ दर्जन जति गीतहरु भेटिन्छन् । हाल पोखरामा बसेर नेपाली संगीतलाई टेवा दिन संक्रिय पनि छन् ।
