नेपाली गायनमा २०५६ सालदेखिनै क्रियाशील रहदै आएकी गायिका एन्जिला गौचनले आफ्नो दोश्रो एल्बम ‘एन्जिला’ भव्य समारोह बिच सार्बजनिक गरेकी छिन्।साहित्यकार उषा शेरचन, लोकप्रिय गायिका कुन्ति मोक्तान र मिडियाक्रमी सहेन्द्र श्रेष्ठको आथित्यमा आफ्नो एल्बम सार्बजनिक गरेकी एन्जिलालाई एल्बममा सोहन मानन्धर ,कल्यान सिंह ,राजेश श्रेष्ठ,प्रतिक थापा,बिक्रम थापा,धुर्व थापा,अरुण तिवारी,निर्माण योन्जन,आचार्य प्रभा,प्रमोद शेरचन र उषा शेरचनले शब्द तथा संगीत दिएका छन्।
एल्बममा समावेश सात गीत मध्य ‘ त्यो पहिलो नजर’ बोलको गीतको भिडियो पनि समारोहमा सार्बजनिक गरिएको थियो।भिडियोमा आँचल शर्मा र पासांग योन्जन लामाको अभिनय, सिमा गुरुंगको मेकअप, सागर लोप्चनको कोरियोग्राफ़ी, प्रबिण श्रेष्ठको सम्पादन छ र पासांग योन्जन लामाको निर्देशन छ।समारोहमा एल्बमसंग सम्बन्धित कलाकर्मी, मिडियाक्रमी र एल्जिलाका आफन्तजनको साथमा धेरै अन्य कलाकर्मीहरुको उपस्थिती थियो। कार्यक्रम संचालन नरेश भट्टराईले गरेका थिए। एन्जिला थकाली समुदायकी पहिलो गायिका हुन् ।
