समूह ‘सी’ अन्तर्गत मंगलबार राति भएको समूहगत चरणको अन्तिम खेलमा फ्रान्सलाई गोलरहित बराबरमिा रोक्दै डेनमार्कले अन्तिम १६ मा स्थान बनायो। अन्तिम खेल अघि नै प्रिक्वार्टरफाइनलमा स्थान बनाइसकेको फ्रान्स र विजेता र डेनमार्क समूह उपविजेता बने। फ्रान्स र डेनमार्क विश्वकप फुटबलको प्रिक्वार्टरफाइनलमा प्रवेश गरेका छन्।
सन् १९९८ को विश्वकप विजेता फ्रान्स सात अंकका साथ समूह विजेता बन्यो। फ्रान्सले समूहगत चरणका तीन खेलमध्ये दुईमा जित र एक बराबरी खेल्यो। यसैगरी उपविजेता बनेको डेनमार्कले तीन खेलमध्ये एक जित र एक बराबरी खेल्दै पाँच अंक जोड्यो। समूहगत चरणबाट बाहिरिएको पेरुले तीन खेलमा एकमा जित र दुईमा हार बेहोर्दै तीन अंक जोड्यो। यसैगरी एसियाली राष्ट्र अस्ट्रेलियाले एक बराबर र दुई खेलमा हार बेहोर्दै एक अंक मात्र जोड्न सक्यो।
