तीन यूवाको यौन मनोविज्ञानको कथालाई उठान गरेको चलचित्र ‘मिस्टर भर्जिन’ को ट्रेलर रिलिज भएको छ । काठमाण्डौमा पत्रकार सम्मेलनको आयोजना गर्दै यसको रमाइलो ट्रेलर सार्वजनिक गरिएको हो । ट्रेलर कमेडी संवादले भरिएको छ । वल्र्ड वाइड फिल्मस् डिस्ट्रिब्यूसनको ब्यानरमा निर्माण भएको यो चलचित्रलाई विशारद बस्नेतले निर्देशन गरेका हुन् । चलचित्रमा भोलाराज सापकोटा, विजय बराल, गौरव पहारि, मरिष्का पोख्रेल, कमलमणी नेपाल, रविन्द्र झा, श्रृजना सुब्बा लगायतका कलाकारको चलचित्रमा मुख्य भूमिका छ ।
चलचित्रमा सोझी यूवतीको भूमिकामा देखिदै आएकी नायिका मरिष्का पोखरेल यसपटक भने यो चलचित्रमा ‘कल गर्ल’को भूमिकामा देखिएकी छिन् । खिलेन्द्र तिमिल्सिना, मुकेश रेग्मी, प्रजापति सिवाकोटी, विशारद बस्नेतको यसमा लगानी छ । दीपकमान सिंहको नृत्य निर्देशन रहेको चलचित्रमा रामेश्वर कार्कीको छायांकन, महेश दवाडीको संवाद छ । चलचित्रको ट्रेलरमा दुई अर्थ लाग्ने शब्दको भरपुर प्रयोग गरिएको छ । यस्तै ‘मिस्टर भर्जिन’ टिमले प्रोमोको प्यारोडी प्रतिस्पर्धा पनि घोषणा गरेको छ । सर्वाधिक भ्युज पाउने उत्कृष्ट प्यारोडी ट्रेलरलाई ५०,२५ र १० हजार पुरस्कार राशी दिइने निर्देशक बस्नेतले प्रेसमिटमा घोषणा गरे ।
