गरिबीको कारण भर्खरै घरजम गरेको श्रीमती तथा घरपरिवारलाई छाडेर परदेशिनुको पिडा साथै घरखेत साहुले खोसिदिने धम्की बारम्बार आईरहने ज्वलन्त वेदनालाई कथावस्तु बनाईएको गीतको म्युजिक भिडियो सार्वजनिक भएको छ ।
बाध्यताले बिदेशिने र घरवासीको वेदना समावेस गर्न गीतकार सफल भएकी छिन् । टंक लिम्बुको स्वर, भद्रकला आङबुहाङ राईको शब्द र वादल लिम्बुको संगीत रहेको यो गीत निकै मर्मस्पर्शी छ ।
भिडियोले पनि यहि कुरा बोलेको छ । भिडियोमा मुख्य कलाकारको रुपमा विनोद तामाङ,शिखा पयाङगु सेनेहाङ,मनोज दाहाल,राजकुमार तेयुङ र धनुकी लिम्बु रहेका छन् । भिडियोका दृश्य उमेश नेपालीले खिच्नुभएको हो भने अनिल रानाको सम्पादन रहेको छ ।
परदेशमा बसेर स्वदेशका कथा व्यथा सम्झेर गीत लेख्ने भद्रकला आङबुहाङ राई र त्यसलाई सुमधुर संगीत भर्ने बादल लिम्बु अनि स्वर दिने टंक लिम्बुको यो प्रयास प्रशंसा योग्य छ ।गीत सुनेर र भिडियो हेरेर रमाउने संगीत प्रेमीहरूको लागि यो गीत एउटा राम्रो ख़ज़ाना हुन् सक्छ ।
