डा केशब शर्माद्वारा रचित गीत एंवम गजलहरुको संग्रह ‘सपना हजार’ एउटा भव्य समारोहबिच सार्बजनिक भएको छ। लोकसंस्कृति बिज्ञ कबि तुलसी दिवसको प्रमुख आतिथ्यमा सम्पन्न समारोहमा एल्बमको समिक्षा र चर्चा भएको थियो ।
संजीवनी, मनोजराज,शिव परियार,निशा देशार,विश्व नेपाली,मेलिना राई, राज सिग्देल, सिडि बिजय अधिकारी र ईन्दु बानियाको स्वर रहेको यो एल्बमका सम्पुर्ण गीतमा संन्तोष श्रेष्ठको संगीत छ।देवेन्द्र नेवा, आमोस तामांग र सुदिप सागरको मिठो संगीत संयोजनमा गीतहरु राम्रा बनेका छन् । सरल शब्द , मिठो संगीत र सुरिलो गायनले एल्बम गहकिलो बनेको छ।समावेश सात गीत नै राम्रा छन् । बिबिध भाब र प्रसंगमा लेखिएका गीत श्रोताको रोजाईमा पर्ने खालका छन् ।
